आदर्श आचारसंहितेअंतर्गत तक्रारी दाखल करण्यासाठी नवी मुंबईत विभागनिहाय संपर्कध्वनी जाहीर

राज्य निवडणूक आयोग, महाराष्ट्र राज्य यांनी महानगरपालिका सार्वत्रिक निवडणूक 2025–26 ची घोषणा केल्यानंतर नवी मुंबई महानगरपालिका क्षेत्रात आदर्श आचारसंहिता लागू करण्यात आली आहे. या पार्श्वभूमीवर निवडणूक प्रक्रिया पारदर्शक, शांततापूर्ण आणि निष्पक्षपणे पार पाडण्यासाठी महापालिका आयुक्त तथा निवडणूक अधिकारी कैलास शिंदे यांनी आवश्यक प्रशासकीय व्यवस्था कार्यान्वित केली आहे.

निवडणूक काळात आचारसंहितेचे पालन प्रभावीपणे व्हावे यासाठी आचारसंहिता कक्ष स्थापन करण्यात आला असून, त्याचे सनियंत्रण अधिकारी म्हणून अतिरिक्त आयुक्त सुनिल पवार यांच्याकडे जबाबदारी सोपवण्यात आली आहे. या कक्षामार्फत आचारसंहितेचे निरीक्षण, नियंत्रण तसेच प्राप्त होणाऱ्या तक्रारी व निवेदनांवर नियमोचित कार्यवाही केली जाणार आहे.

आदर्श आचारसंहितेच्या अनुषंगाने नागरिकांना आपल्या तक्रारी / आक्षेप नोंदवता यावेत यासाठी नवी मुंबई महानगरपालिकेतील विभागनिहाय सहाय्यक आयुक्त व विभाग अधिकाऱ्यांचे संपर्क क्रमांक जाहीर करण्यात आले आहेत.

📞 विभागनिहाय संपर्क क्रमांक:

बेलापूर विभाग – प्रशांत नेरकर
📞 022-27580610 / 022-27573826
नेरुळ विभाग – अनुराधा बाबर
📞 022-27707669
वाशी विभाग – सुखदेव येडवे
📞 022-27655370 / 022-27659741
तुर्भे विभाग – सागर मोरे
📞 022-27754061 / 022-27834069
कोपरखैरणे विभाग – भरत धांडे
📞 022-27542406 / 022-27542449
घणसोली विभाग – वसंत मुंडावरे
📞 022-27692489 / 022-27698175
ऐरोली विभाग – नैनेश बदले
📞 022-27792114
दिघा विभाग – ऐश्वर्या नाईक
📞 9136544027 / 9136544028
मुख्यालय – संजय तडवी
📞 022-27567368
टोल फ्री क्रमांक
📞 1800 222 309 / 1800 222 310

📧 ई-मेल: nmmcmcc2025@gmail.com

महानगरपालिकेच्या वतीने सर्व नागरिकांना आवाहन करण्यात येत आहे की, आदर्श आचारसंहितेचे उल्लंघन, तक्रारी अथवा आक्षेप असल्यास वरील संपर्क माध्यमांचा वापर करून तात्काळ माहिती द्यावी. नागरिकांनी जबाबदार आणि जागरूक भूमिका घेऊन निवडणूक प्रक्रिया शांततापूर्ण, पारदर्शक व लोकशाही मूल्यांनुसार पार पाडण्यासाठी सहकार्य करावे, असे आवाहन करण्यात आले आहे.