नवी मुंबईत “गणराज वाशीचा – राजा नवी मुंबईचा”

४ दशकांपासून सुरू असलेल्या परंपरेला पुढे नेत, नवी मुंबईतील प्रथम सार्वजनिक गणेशोत्सव मंडळ – सेक्टर 16A च्या अध्यक्ष विजय वाळुंज आणि पदाधिकाऱ्यांच्या नेतृत्वाखाली “गणराज वाशीचा – राजा नवी मुंबईचा” चा भव्य आगमन सोहळा उत्साह, भक्तीभाव आणि जल्लोषाच्या वातावरणात संपन्न झाला.

छत्रपती शिवाजी महाराज चौकातून निघालेल्या या भव्य मिरवणुकीत बाप्पाच्या दिव्य व तेजस्वी रूपाने संपूर्ण परिसर भक्तिरसात रंगून गेला. गाजे-बाजे, ढोल-ताशा, नगारे, लेझीम, नाशिक ढोल यांच्या गजरात वातावरण मोरयाघोषाने दुमदुमले.

या आगमन सोहळ्यात :

सायन-धारावी मोरया बीट्स आणि जे. बी. बॉईज नाशिक ढोल पथक यांच्या गर्जनेने भक्तिमय ऊर्जा निर्माण केली.
आदित्य गोविंदा पथकाने बाप्पाला दिलेली सलामी सोहळ्याचे मुख्य आकर्षण ठरली.
शिवशक्ती महिला लेझीम पथकाने सांस्कृतिक मानवंदना दिली.
शिवकालीन मर्दानी खेळ यांनी सोहळ्यात ऐतिहासिक आणि पारंपरिक रंग भरले.

“गणराज वाशीचा – राजा नवी मुंबईचा” च्या दर्शनासाठी आणि आशीर्वादासाठी असंख्य गणेशभक्तांची गर्दी उसळली होती.

या प्रसंगी मंडळ अध्यक्ष विजय वाळुंज, माजी नगरसेविका अंजली वाळुंज, तसेच प्रभागातील माजी नगरसेवक-नगरसेविका, पदाधिकारी, कार्यकर्ते व मोठ्या संख्येने गणेशभक्त उपस्थित होते.

अध्यक्ष विजय वाळुंज यांनी सांगितले की –
👉 “यंदा मंडळाने पर्यावरणपूरक गणेशाची प्राणप्रतिष्ठा केली असून ‘Safe Wildlife – Save Animal Life’ हा संदेश जनतेपर्यंत पोहोचविण्याचा संकल्प घेतला आहे.”

माजी नगरसेविका अंजली वाळुंज यांनीही पर्यावरण रक्षण व सामाजिक बांधिलकीबाबत मंडळाचा संदेश स्पष्ट केला.